Тексты молитв перед иконой «Взыскание погибших» частично основаны на переводе повести «О покаянии Феофила», герой которой, раскаявшийся грешник, просил Пречистую о милости, прощении и помощи.
Молитва Пресвятой Богородице пред иконой Ея «Взыскание погибших»
О, Пресвятая и Преблагословенная Дево, Владычице Богородице! Призри милостивным Твоим оком на нас, предстоящих пред святою иконою Твоею и со умилением молящихся Тебе; воздвигни нас из глубины греховныя, просвети ум наш, омрачнный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице. Ты веси вся немощи и согрешения наша, к Тебе прибегаем и вопием: не остави нас Твоею Небесною помощию, но предстани нам присно и Твоим неизреченным милосердием и щедротами спаси и помилуй нас, погибающих. Даруй нам исправление греховныя жизни нашея и избави нас от скорбей, бед и болезней, от внезапныя смерти, ада и вечныя муки. Ты бо, Царице и Владычице, скорая Помощница и Заступница еси всем притекающим к Тебе́ и крепкое прибежище гре́шников кающихся. Подаждь убо нам, Преблагая и Всенепорочная Дево, христианский конец жития нашего мирен и непостыден и сподоби нас Твоим ходатайством вселитися в Обителях Небесных, идеже непрестанный глас прзднующих радостию славит Пресвятую Троицу, Отца́ и Сына и Святаго Духа, ныне и присно, и во веки веков. Аминь.
